Zotung Ram Ah Ralhrang Pawl An Lut Ih Tualsung Mi Pawl An Tlan

Zotung Ram Ah Ralhrang Pawl An Lut Ih Tualsung Mi Pawl An Tlan

Chin ramkulh Matupi peng nisuahnak saklam Zotung ram ah ralhrang pawl an lut ruangah khawsung mi pawl in khua an suah ih hramlak ah an tlan tiah theih a si.

Ralhrang pawl cu August 6 ihsin Zotung ram နားဘုန်း khua ah an lut ih inn an cawklek. August 8 khalah cu tawk khaw kiangkap ih khua pawl ah an lut bet. ရောင်နက်, နားဘုန်း, ရမ်းစီး, အန်းတ္တား, ပန်းဗား khua pawl cu beunak hawl in an tlan tiah theih a si.

“Zotung ram khaw 5 hrawngah ralhrang pawl an lut ih inn an cawklet. Khawsung mi pawl an tlan thluh, a tam sawn cu hramlak ah mo-ka zar in an um. An hrangah poipeng in ei in le sivai an tul. Ruahti tlak can a si ih nauhak pawl an khuh, sungdawk an um” tiah tualsung mi pakhat in a sim.

Ralhrang le mipi kilhimtu pawl ziangtik khalah kapaw thri ringring an si ruangah Gangaw le Rihzua lamzin ah mi vak sukso um lo ding in CDF-Zotung in mipi theihternak an tarlang.