Yesagyo Peng Ah Ralhrang Pawl In Inn 120 Hnakih Tam An Ur
Magway ramthen Yesagyo peng, Chindwin tiva le Irrawaddy tiva kiang, ရေလယ်ကျွန်း hmunram လှေခုတ် khua ah ralhrang pawl August 14 ah an lut ih inn 120 hnakih tam an ur kang tiah tualsung mi pawl in an sim.
Ralhrang 80 hrawng cu zinglam nazi 9 hrawngah an thleng ih meithal an kap, inn an ur ruangah tualsung mi pawl an tlan ih kum upa mi 50 hrawng cu phungki tlawng ah an relh tiah theih a si.
“Phungki tlawng ih um pawl cu ralhrang pawl in dothlengnak tuahtu hotu pawl an sut. Inn 2 ih mi 2 cu a leng suak dingin an sim nan an suak duh lo ruangah an kap that. Mino pakhat khal an thah mi ruak an hmu” tiah tualsung mi pakhat in BBC hnenah a sim.
Ralhrang pawl hi zing nazi 6:30 hrawng ah Yesagyo peng ရေယှား ihsin လှေခုတ် khua ih an feh lai ah mipi kilhimtu pawl thawn an kapaw, ralhrang lam thi le hriamtuar an tam. Zing nazi 10:30 hrawng ah လှေခုတ် khua an lut ih inn an ur ruangah kahawknak a suak sal. လှေခုတ် ihsin ဆင်တဲ khua lam ah operation an tuah vivo ih an kapaw bet tiah Yesagyo peng a thupthiar ih mi dotu pawl in an tarlang.
Kahawknak ruangah လှေခုတ်၊ ဆင်တဲ၊ ရေယှား telin khaw 10 tualsung mi 2500 hrawng ral an tlan tiah theih a si.
The ad is displayed on the page
current post: Yesagyo Peng Ah Ralhrang Pawl In Inn 120 Hnakih Tam An Ur, ID: 9087
Ad: Native Banner (9156)
Placement: After Content (after-content)
Find solutions in the manual
