Yangon Ah Kilhimnak A Hngetkhoh

Yangon Ah Kilhimnak A Hngetkhoh

Yangon khawsung ah tubaite in ralhrang in kilhimnak an uluk ih ralhrang le palik pawl cu sunvu deuh thaw an vak tiah tualsung mi pawl ih sim mi ihsin theih a si.

Ralhrang pawl in ramkhel mi 4 an hridai in an awk that ruangah mipi lungawilonak a sosang. Ralhrang pawl cun kilhimnak na sa zetin an uluk tiah hmin tarlang lo mi pakhat in RFA hnenah a sim.

“A tufang Yangon cu ralram vek a si ko. Double Cab motor hring parah ralhrang pawl ready cia in meithal an keng. Hrekhat motor ah machine gun an rei ih a hmai lam kap man cia an si. Curuangah thinlung ah a him lo ti mi a um ringring” tiah a sim.

Suli le Hledan lam July 25 ihsin lamzin ah mino pawl phone ah hridai ih awk that dokalhnak Facebook profile ah a sen le a dum post mi um le um lo an cek tiah mit ih hmutu tualsung mi pakhat in a sim.

Hlaingthaya, North Dagon, North Okkalapa, Botahtaung (ဗိုလ်တထောင်) peng pawl ah zan nazi 12 ihsin zinglam nazi 4 tiang suahvak a ngah lo tin thu an suah mi cu thla 1 an than bet. Ramkhel mi 4 an thah hnu ah Yangon khawsung ah zan nazi 8 ihsin mi vak suak an mal tiah theih a si.