Thla 5 Sungah Palpuah Bomb Pal Ngah Ruangah Tualsung Mi 162 Thi Le Hriamtuar An Um Tin UN-OCHA In Sim
2022 January thla ihsin May thla cem tiang, thla 5 sungah palpuah bomb le ralthuam tum kah mi a lehhnu ih puak ruangah Myanmar ram pumpi ah tualsung mi 162 thi le hriamtuar an um tiah UN-OCHA in August 10 ah a tarlang.
Bomb puak kuai sal mi a zaten vei 83 a um ih mi 33 an thi, hriamtuar mi 129 an um. Rakhine ramkulh sungah AA le ralhrang boruak a sosang ih bomb kam mi le ralthuam tum a puak kuai hrih lo mi a tam ruangah a him lo tiah theih a si.
Curuangah UN-OCHA thawn a pehpar mi pawlkom pawl in Rakhine ramkulh ih raltlan pawl hnenah an umnak kiangkap ah a tihnung mi bomb thuhla pawl theihkauhnak an pe rero tiah a tarlang.
Milai zawhruah bomnak pek harsa zet lakah ramsung le ramleng pawlkom pawl hnen ihsin 2022 kum a ttum khatnak ah mipum ting 30 hnakih tam hnenah poipeng le milai runsuahnak (လူမှုဘဝ ကယ်ဆယ်ရေး) bomnak an pek thei thu UN-OCHA in a sim.
Rakhine ramkulh, Shan ramkulh saklam le Tanintharyi ramthen ah ralhrang pawl in cek gate pawl ah kilhimnak an uluk hlei ah tualsung mi pawl an kai ih thawng an thlak tiah a tarlang tel.
UN in neta bik cazin vek asile August 1 tiangah ramkulh le ramthen ah kahawknak a songsang deuhdeuh ih inn le lo tlan san 1.3 million an um tiah a tarlang.
The ad is displayed on the page
current post: Thla 5 Sungah Palpuah Bomb Pal Ngah Ruangah Tualsung Mi 162 Thi Le Hriamtuar An Um Tin UN-OCHA In Sim, ID: 9043
Ad: Native Banner (9156)
Placement: After Content (after-content)
Find solutions in the manual
