Tedim Ah Tlawmngai Pawlkom Hotu Ralhrang Pawl In An Kaih Mi Thubuai An Tuah Sak

Tedim Ah Tlawmngai Pawlkom Hotu Ralhrang Pawl In An Kaih Mi Thubuai An Tuah Sak

PDF-Zoland in mipi ralhrinnak an pek mi, June 26 ah aurinnak (loud-speaker) hmang in theihternak tuahtu tlawmngai pawlkom hotu, ralhrang pawl in an kaih mi cu pukmah 505 (b) in thubuai an tuah sak tiah theih a si.

“ကိုအင်ခတ်မွန်ကို cu tiamkamnak thawn July 5 ah an suah zo. Lian Sian Hmung hi palik sakhan ah a um lai ih ziangtin a thu an rel sak ding ti theih a si hrih lo. Biaknak lam hotu, khawnu khawpa le tualsung mi pawl in an buaipi rero” tiah tualsung mi pakhat hnen ihsin theih a si.

Tlawmngai pawlkom (Shalom Youth Committee) hotu ကိုအင်းခတ်မွန်း le Lian Sian Hmung cu Tedim khawsung, June 27 ah ralhrang pawl in an kai.

PDF-Zoland in mipi theihnak ca an suah mi ahcun ralhrang in tlawng a on mi pawl ih ralhrang tirhfung Non-CDM fimthiamnak lam hnatuan pawl, ralhrang pawl thawn pehtlaihawknak a nei mi ဘော်ဒါဆောင် pawl, cui tlawng le ဘော်ဒါဆောင် ih fate tlawngkaitertu tlawngta nu le pa pawl, ralhrang thawn tangtlang in tlawng ong dingih a tawlreltu khawnu khawpa hrekkhat pawl, biaknak lam hotu hrekkhat pawl cu an thilti mi colhsan dingin June 26 tiang ni neta bik bikhiah in ralrinnak le theihternak an tuah mi cu ကိုအင်းခတ်မွန်း le Lian Sian Hmung in Tedim khawsung ah loud-speaker in an au ruangah ralhrang pawl in an kai tiah theih a si.