Tamu Pengih Ralhrang Bukhuarnak Mipi Kilhimtu Pawl In An Kap Ih Ralhrang 1 A Thi

Tamu Pengih Ralhrang Bukhuarnak Mipi Kilhimtu Pawl In An Kap Ih Ralhrang 1 A Thi

Tamu peng ထင်းဇင် le Zohmun khaw karlak ah ralhrang mi 60 bukhurnak hmun cu mipi kilhimtu pawl in August 28, zinglam nazi 7 hrawngah an va kap ih ralhrang pakhat a thi tiah theih a si.

Kahawknak ah ralhrang lam pakhat a thi ih hriamtuar an tam. Mipi kilhimtu NLA lam mi pakhat in bese tuk lo in hriam a tuar. Ralhrang pawl in helicopter pahnih an hmang ih anmah bawmtu ding khal a ret bet tiah tuanvo neitu pakhat in a sim.

“MI-35 helicopter in vei hnih a kap hnuah, a vei 2nak MI-17 thawn a ra sal. MI-35 in zam kual rero phah in a kap lai ah MI-17 in ralhrang bawmtu ding pawl a ret hnuah hriamtuar pawl a phur” tiah NLA sungtel pakhat in a sim.

Kahawknak hmun thotho, Y.C.D.C ih ralhrang bukhuar pawl cu August 18 sun ah mipi kilhimtu NLA, CNDF le TDA tangtlang in an rak kap zo ih ralhrang lam thi le hriamtuar an tam tiah theih a si.