Tamu Peng Ah Ralhrang Pawl Tuah Mi Beer Pha 100 An Kai

Tamu Peng Ah Ralhrang Pawl Tuah Mi Beer Pha 100 An Kai

Sagaing ramthen Tamu pengah ralhrang tuah mi thilri phur an um le um lo July 13 zing nazi 10:30 hrawngah PDF Tamu Battalion 4 le ပကဖ in an cek, beer pha 100 an kai ih an siatsuah thu PDF Tamu Battalion 4nak in an tarlang.

“Asia lamzinpi hmun pakhat ah cekfelnak kan tuah ih kan kai. Ralhrang tuah mi phur nawn lo dingin kan sim ih kan suah sal” tiah PDF-Tamu battalion 4 nak ih tuanvo neitu in a sim.

June 20 khalah Tamu le Kalay lamzin ah ralhrang tuah mi beer pha 98 an rak kai zo ih an siatsuah tiah theih a si.

Tamu mipi kilhimtu pawl cun dan lo ih pursumleilawnnak le thilri, license nei lo motor, a thup ten sui lam hnatuan, rittheihsii, a thupthiar ih zanthing phur le bulpak hlawknak hnatuannak pawl tuah lo ding le ralhrang thil tuah mi phur lo dingin January 16, February 20 le April 22 ah theihternak le ralrin peknak an rak tarlang zo.