Taingen Khua Ah Ralhrang Le Mipi Kilhimtu An Kapaw

Taingen Khua Ah Ralhrang Le Mipi Kilhimtu An Kapaw

Chin ramkulh Tedim peng, Taingen khua ih ralhrang sakhan cu mipi kilhimtu ṭangrual pawl in July 11 zinglam nazi 5 hrawng ah an kap tiah theih a si.

Kahawknak a um ruangah Kalay ihsin ralhrang pawl bawmtu ding ralhrang motor 5 an so. Kalaymyo khawsung khalin ralthuam tum in an bawm ih vei 12 hnakih tam an kap. Kahawknak hmun ih thil thlen dan, thi le hriamtuar felfai ten theih a si hrih lo tiah tualsung mi pawl in an sim.

Taingen khua ih ralhrang duty pawl in khualtlawng sukso an hringhro, mino deuh pawl PDF nan si tin an puh ih an phone khal na sa zetin an cek, kut an tlak, sualmawhnak nei lo pawl parih an thilti dan ruangah CDF CDM SIYIN cun tualsung mi pawl cu hmun himnak ih tlan dingin theihternak June 30 ah an tarlang.

Boruak sosang thei a si ruangah July 1 in Kalay ihsin Ṭio motor an suak ngam nawn lo ih ralhrang pawl khalin Taingen ihsin lamzin an kham tiah theih a si.