Tahan Ih Ralhrang Bukhuarnak Mipi Kilhimtu Pawl In An Kap

Tahan Ih Ralhrang Bukhuarnak Mipi Kilhimtu Pawl In An Kap

Kalaymyo Tahan vengsung, Wesley sizung pialnak ih ralhrang bukhuarnak cu mipi kilhimtu pawl in July 15 sun nazi 12:30 hrawngah an va kap tiah theih a si.

July 14 zan ah na sa zetin kahawknak a um zo ruangah zinglam ah boruak a zangkhai lo zet. Ralhrang pawl vak an tam ih Lansung lam ihsin ralhrang motor 5 hnak ih mal lo Tahan lam ah an so. Tahan bazar dawr kai pawl khal an dawr an khar thluh sal ih mi vak sukso khal an mal tiah theih a si.

“Ralhrang vak an tam ruangah thin a nuam lo ih zinglam nazi 11:30 hrawng cun dawr kan khar aw cio. Nazi 12 hnu vak suak um lo ding ti thawmvang a um thu kan thei” tiah tualsung mi pakhat in a sim.

Kahawknak ah khat lam khat lam thi le hriamtuar theih a si lo ih mipi kilhimtu lam khalin ca suah mi a um hrih lo.

Irrawaddy thuthang in PDF-Kalay hotu pakhat an pehtlaihnak ah “Tahan ihsin ၉ မိုင်, Kalay University tiang tanhmun an khuar ruangah kan kap” tiah a sim.

July 15 zan khalah nazi 7:23 hrawng in Tahan khawsung ah meithal puak an theih thu tualsung mi pawl ih sim mi ihsin theih a si.