Ralhrang Thuneihnak Kum 1 Le Hrek Ah Nunau 241 An Thi Ih Mi 2,372 An Kai

Ralhrang Thuneihnak Kum 1 Le Hrek Ah Nunau 241 An Thi Ih Mi 2,372 An Kai

Ralhrang thuneihnak kum 1 le hrek, February 1, 2021 ihsin July 31, 2022 tiang, Myanmar ram pumpi ah nunau 241 an thi ih 2,372 an kai tiah Burmese Women’s Union (BWU) ih tarlang mi ihsin theih a si.

An kaih mi lakah mi 194 cu thubuai dangdang in thuthen sak an si. Cu mi lakah thi dingih thuthen sak mi 9, damsung thawngthlak ding mi 8, kum 9 hnakih tam thawngthlak ding mi 30 an um tiah a tarlang.

Cazin an tarlang mi hi BWU le AAPP in cazin an lakkhawm mi a si ih hi hnakih tam khal a si thei tiah BWU ih sungtuan ဇူဇူး in a sim.

“Cazin kan lakkhawm mi hi hmun hla in a si, asinan tuvek harsatnak, dothlengnak le na sa zetih kahawknak hmun ahcun hi hnakin an tam kan zum. Nunau 241 thi mi pawl hi ralhrang thuneihnak dokalhnak ih tel pawl an si” tiah DVB hnenah a sim.

Ralhrang pawl in thahrum hmang in ram pumpi ah mipi sualmawhnak nei lo mi 2,142 an that ih an kaih mi zaten 14,956 an um tiah AAPP in an tarlang.

Hi cazin hi February 1, 2021 ihsin August 1, 2022 tiang a si ih a hmun ah hi hnakih tam an si thei. Thalpau dothlengnak tuini tiangah mi 11,859 an suah hrih lo. Cu mi sungah 1,364 cu thawngthlak dingin an thu an then sak tiah AAPP ih tarlang mi ihsin theih a si.