Ralhrang Pawl In CDF-Zotung Mi 3 An That

Ralhrang Pawl In CDF-Zotung Mi 3 An That

CDF-Zotung hotu le mi 2 cu ralhrang pawl in an kai ih July 27 ah an that tiah CDF-Zotung in an tarlang.

Ralhrang pawl in an thah mi pawl cu CDF-Zotung hotu hlun Paaw Tha Ceu (Kum 40 hrawng), CDF-Zotung ralkap Paaw Aung Min Thang (Kum 20 hrawng) le khua uktu lam sungtel Paw Tha Cin Mang an si.

July 22 ah ralhrang pawl cu Chin ramkulh, Matupi peng, ရမ်စီး khua ah an lut ih khawsung mi 30 hrawng an kaih hnuah biakinn ah an ret khawm. July 23 ah CDF-Zotung hotu hlun Paaw Tha Ceu, CDF-Zotung ralkap Paaw Aung Min Thang le Paw Tha Cin Mang in khawsung mi an kaih mi pawl dinhmun theifiang dingin an va hliakhlai ih an rak kai tiah theih a si.

“A hlan ah CDF-Zotung hotu a si. An rak kaih ruangah khawsung mi pawl cu an suah sal. Khaw kiangah an pathum ruak ur mi khawsung mi pawl in an hmu ih anmah an si ti kan thei cih” tiah CDF-Zotung hotu in Irrawaddy thuthang hnenah a sim.

An pathum in zo an si ti theih an theihtheih nawn lo nan an kiangah a kang thluh lo mi CDF-Zotung uniform le lukhum kan hmu ih anmah an si ti kan nemhnget. An ruh kan sarkhawm ih tha ten kan vui tiah a sim bet.