Ralhrang In Thuneihnak An Lak Sungah Raltlan 758,000 An Um

Ralhrang In Thuneihnak An Lak Sungah Raltlan 758,000 An Um

Ralhrang in thuneihnak an lak, kum 1 luan ah kahawknak ruangih inn le lo tlan san, raltlan mi 758,000 an um tiah UNOCHA in July 7 ah a tarlang.

Ram pumpi ah inn le lo tlan san April thla ah mi 566,100 an um, May thla ah mi 578,200, June thla ah mi 758,000 an um ih thla 3 sungah 191,900 an pung tiah theih a si.

Inn le lo tlan san raltlan pawl cu ramsung buainak ruangah le an him lo ruangih tlan an si thu khal an tarlang tel.

Kahawk tamnak hmun Sagaing rammthen, Magway ramthen, Chin ramkulh le Kayah ramkulh cu inn le lo tlan san raltlan tamnak bik a si.

Ralhrang in thuneihnak an lak ihsin tuikum June 27, 2022 tiangah ralthuam buainak ruangah le a him lo ruangih inn le lo tlan san mi 758,000 telin Myanmar rampum huap ah raltlan zaten 1 million hnakih tam an si thu UNOCHA in a tarlang.

February 1, 2021 ihsin Myanmar ram nitlaknak saklam (အနောက်မြောက်) hmun dangdang ah Christian biakinn, phungki tlawng telin tualsung mi pawl ih inn a mal bik 19,350 ralhrang pawl in an siatsuah tiah a tarlang bet.