Ralhrang In Thuneihnak An Lak Hnuah Innsang Zatek 80 Nuntukhawsaknak Hrang Thinphang Dinhmun An Um

Ralhrang In Thuneihnak An Lak Hnuah Innsang Zatek 80 Nuntukhawsaknak Hrang Thinphang Dinhmun An Um

Myanmar ram ah thuneihnak ralhrang in an lak hnuah innsang zatek 80 in nuntukhawsaknak hrang an thinphang tiah Save the Children in an tarlang.

Innsang 5 ah innsang 1 in nauhak cawmdawlnak hrangah kum kim zo pawl in ei le in an supawk thu khal an tarlang tel.

Mi harsa an tam vivo ruangah le pursumleilawnnak a tumsuk ruangah Myanmar ramsung ih innsungsang pawl cu an sum lut a hrek hnakih tam a tla niam tiah theih a si.

“Thuneihnak kum 1 a luan hnuah nauhak a ting tel cu ei in an daihaw nawn lo ruangah innsang cawmawknak hrang mi thil an dil ih mi paisa an cawi. Myanmar nauhak pawl in in tul tuk lai can ah leilung tlun ram dangdang in an ngaithupi tuk lem lo” tiah Save the Children ih Asia thawn a pehpar mi Drector of Advocacy, Campaigns Shaheen Chughtai in a sim.

Covid-19 pulhnat le ramsung buainak ruangah pursumleilawnnak a siat suah mi cun innsungsang pawl in nauhak cawmdawlnak ding hrang zonzai zetin an hawl. Innsang tulsam mi hrangih hman mi khal zatek 30 ihsin zatek 70 ah a tthang thu Save the Children cun a sim.

Tuikum kum thok ihsin thahrum hmannak ruangah nauhak a mal bik 150,000 in inn suah san in an tlan ih a liam cia mi 2 sungah nauhak tlawngkai lo a lethnih in an tam tiah Save the Children ih tarlang mi ihsin theih a si.