R2P Kan Ko Rero Ding Tin Ram Palai Kyaw Moe Tun In Sim

R2P Kan Ko Rero Ding Tin Ram Palai Kyaw Moe Tun In Sim

R2P ko suak dingin leilung tlun ram dangdang kan dil rero ding tin Myanmar ram thawn a pehpar mi UN palai U Kyaw Moe Tun in New York khawpi UN zung hmai ih duhphorhnak ah a sim.

“Lamzin a phunphun in kan dil nan, milai lungput khal nei lo ralhrang pawl in thuhrum hmang ih mi thahnak cawl dingin tutiang zianghman a um hrih lo. Ram hrekkhat in anmai dinhmun in in bawm ko nan a famkim hrih lo. R2P kan ko rero ding, hrekkhat in a cang thei lo tin an sim nan milai pakhat dinhmun si seh, mipi dinhmun in a tul tin na sa sinsin in kan dil rero ding” tiah U Kyaw Moe Tun in a sim.

Ram pakhat ah a burpi ih thahnak, ralkap danbuarnak, miphun that cimitnak, mipi parah an pahbal mi daanbuarnak thawn pehpar in rampi a kilhim ding mi a kilhim thei lo, ṭuanvo neitu amah in dan a buar a si ahcun R2P in ṭuanvo a la thei tiah a sim thu RFA in a tarlang.