Pauk Peng Ah Nauhak Pakhat Ralthuam Tum In A Ngah Ih A Thi

Pauk Peng Ah Nauhak Pakhat Ralthuam Tum In A Ngah Ih A Thi

Magway ramthen Pauk peng (ပေါက်မြို့နယ်), ကျားပစ်ကန် khua, July 27 zing nazi 8 hrawng ah ralhrang le Physawthi tangtlang in ralthuam tum an kah ruangah nauhak kum 4 le hrek hrawng a ngah ih a thi tiah theih a si.

“A u thawn caw rawl kan la, မသိမ့်သိမ့်ဖြူ cu a pu thawn inn ah an um. Ralthuam tum puak on a thei ih a pu hnenah a tlan, cu mi ah ralthuam tum in a dunglam zang, a lu khalah a ngah ih a thi” tiah naute ih nu မခင်ဆွေဦး in RFA hnenah a sim.

Naute ih pu khal a cawn ah ralthuam tum in a ngah, inn kiangkap ih mi 3 le thil zuar nunau 1 in hriam an tuar tiah a sim bet.

Zing ah ralhrang pawl le Pyusawthi mi 80 hrawng in ကျားပစ်ကန် khua ah ralthuam tum an kah ruangah khawsung mi pawl in khua an suah san tiah theih a si.