Myanmar Ram Pumpi Ah Ralhrang Pawl In Inn 28,419 An Ur Kang
Ralhrang pawl in kum 1 le hrek sung, ram pumpi ah inn le building thawngsawmthum zikte an ur kang tiah ISP-Myanmar in July 25 ih an tarlang mi ihsin theih a si.
February 1, 2021 ih ralhrang in thuneihnak an lak ihsin July 15, 2022 tiang, biaknak lam building le inn 28,419 an siat suah. Cu mi sungah Sagaing ramthen ah inn 20,485 an siat suah ih Myanmar ramsung ah a tam bik a si tiah an tarlang.
Magway ramthen sungah inn 5,705, Chin ramkulh, Kayah ramkulh, Shan ramkulh, Mon ramkulh, Mandalay ramthen, Tanintharyi ramthen, Bago ramthen, Karen ramkulh ah inn le building 2,229 hnakih mal lo an siat suah tiah ISP-Myanmar ih tarlang mi ihsin theih a si.
Ralhrang pawl in tuikum May thla ah inn le building an ur tam bik. Ralhrang thusimtheinak tuanvo neitu Zaw Min Tun cun inn le biaknak lam building kan ur dah lo tin RFA in April 7, 2022 ih thusuhnak an rak tuah mi ah a sim tiah theih a si.
The ad is displayed on the page
current post: Myanmar Ram Pumpi Ah Ralhrang Pawl In Inn 28,419 An Ur Kang, ID: 8832
Ad: Native Banner (9156)
Placement: After Content (after-content)
Find solutions in the manual
