Myanmar Ram Ih Ralthuam Kuat Tam Bik 3nk India
India ram hi Myanmar ramsung ih ralthuam kuat luttu tam bik pathumnak, Rusia le China ram sangtu a si. 2018 ihsin 2022 tiang, kum 5 sungih ralthuam an kuat lut mi ah zatek 14 hi India ram ihsin an kuat mi a si thu Swedish Think Tank Stockholm International Peace Research Institute (SIPRI) ih tarlang mi ihsin theih a si.
India ram in Myanmar hnenah ralthuam a kuat ringring ih 2022 November thla ihsin 2023 April thla tiang, thla 6 sungah American dollar 5 million man hnakih tam an kuat zo tiah Justice For Myanmar in June 21, 2023 ah a tarlang.
Thla 6 sungah Bharat Electronics Limited (BEL) in vei 7 ralthuam a kuat ih $ 5 million man hnakih tam an kuat zo.
BEL company ah India cozah in zatek 51.14 thuneihnak a nei ih ralthuam phunphun, ralthuam lam thiamnak le thiam thil a phunphun ca khalin Myanmar ram ah an kuat tiah Justice For Myanmar in a tarlang.
The ad is displayed on the page
current post: Myanmar Ram Ih Ralthuam Kuat Tam Bik 3nk India, ID: 9235
Ad: Native Banner (9156)
Placement: After Content (after-content)
Find solutions in the manual
