Myanmar Ram Ih American Mi Le Sa Pawl Ahleice In Ralring Dingin Yangon Ih American Embassy In Theihternak A Tarlang

Myanmar Ram Ih American Mi Le Sa Pawl Ahleice In Ralring Dingin Yangon Ih American Embassy In Theihternak A Tarlang

Myanmar ram ih um American mi le sa pawl cu ralhrang thawn a hlatnak ih um dingin, kilhimnak tuanvo latu le ralhrang dinpitu pawl hmuitin in bomb puahnak um thei a si ruangah ralring ten um dingin Yangon ih American Embassy in theihternak July 27 ah an tarlang.

Myanmar ram pumpi ah ahleice in ralhrang lehrul tumnak a tam ruangah a tuvek in ralrin peknak an tarlang.

Ramdang mi pawl a hleice in hringhronak a um lo nan Yangon pumpi ah PDF pawl in ralhrang pawl lehrul tumnak a sosang ruangah Yangon um mi pawl hrangah tihphan um zet dinhmun a si tiah a sim.

Ralhrang pawl cangvaihnak cu phuba laknak ziangvek khal thleng thei a si ih ziangtik khalah, khui hmun khalah thleng thei a si ruangah mipi zaten ralring cio ding Yangon ih American embassy cun ralrinnak a pe.

Ralhrang pawl in khawpi sung luhsuahnak an kham cat thluh si maw, khawsung ah tihphannak um thei mi cangvaihnak thleng thei a si ruangah ni 7 hrang ei in si seh, siivai lam khal khawl cia dingin theihternak a tarlang.