Mipi Humhimawknak Kan Din Ding Tin Ralhrang Hotu General Soe Win In Sim

Mipi Humhimawknak Kan Din Ding Tin Ralhrang Hotu General Soe Win In Sim

Remnaknak hngetkhoh a um theinak ding ah mipi humhimawknak pawlkom kan din ding tin ralhrang hotu Vice Senior General Soe Win in August 10 ih ralhrang pawl thurelkhawmnak ah a sim tiah Mizzima in a tarlang.

Uknak lam, fimzirnak, harhdamnak lam hnatuantu pawl telin mipi le biaknak lam hnatuan pawl donak le thah mi an tam ruangah mipi humhimnak pawlkom kan din bet ding tiah a sim. Asinan zo pawl, ziangtin an din ding thu felfai ten a sim lo.

Ralhrang pawl in ramkhel party hrekkhat, မဘသ, an tirhfung physawthi pawl khal raldonak lam a zirh ih meithal khal a pe. Khaw tin ah inn an ur ih thahrum hmang in mipi an dekcawk tiah theih a si.

Mipi humhimawknak pawlkom an din hnuah ramkulh le ramthen ah kilhimnak, remdaihnak le dingthluk lairelnak dan pawl cu hlawhtling zetin an fehpi ding thu a sim tiah Mizzima in a tarlang.

Photo: Zuk hlun