Matupi Ralhrang Sakhan Ih Um Mi Pakhat An That

Matupi Ralhrang Sakhan Ih Um Mi Pakhat An That

Chin ramkulh Matupi khawsung ih ralhrang sakhan ih um mipa kum 30 hrawng mi cu ဖနိင် khua le ထီစောင်း khaw karlak, July 15 ah thah a si thu theih a si.

“An thah mi hi kawl a si, a hlan ah Matupi le Rihzua lamzin tuah hnatuan a si. Covid boruak ah hnatuantu dang pawl an tlung thluh nan anih cu tlung lo in Matupi ah a um lanta. Ralhrang in thuneihnak an lak hnuah ralhrang sakhan ah rawl a suang theu in kan thei. Khawsung mi pawl khaw khat le khaw khat feh sukso a harsa zet lai ah anih cu bike thawn BE zu phur in a vak sukso rero. Matupi khawsung ah ralhrang pawl ih catar saktu khal a si” tiah tualsung mi pakhat in a sim.

A tufang ah Matupi ralhrang hruang sungah a leng ihsin hnatuantu le thil zuartu an um thu khal tualsung mi hnen ihsin theih a si.