Mandalay Ih Mi 10 An Kaih Mi Lakah Mi 3 An That

Mandalay Ih Mi 10 An Kaih Mi Lakah Mi 3 An That

Mandalay ih အောင်မြေသာစံ, August 1 ah Myanmar Return Ranger Force (MRRF) hotu ဗိုလ်အောင်မြေ telin mi 10 hnakih mal lo an kaih hnuah ဗိုလ်အောင်မြေ le mi 2 an that tiah a thupthiar ih mi dotu pawl in an tarlang.

အောင်မြေသာစံ, lamzin 86 le 8 lamzin ih inn pakhat cu ralhrang mi 50 hrawng in an kulh ih August 2 ah ဗိုလ်အောင်မြေ le mi 2 ruak cu Yangon le Mandalay lamzin pengthuam 300 luan ah an hmu tiah theih a si.

“August 1 zing nazi 6 hrawng an umnak ah an kai. A tam sawn cu uniform hruh lo in an ra, ဗိုလ်အောင်မြေ ruak ah meithal ih kahnak hmun 6 a um. An ruak hi tlawmngai pawlkom in Mandalay sizung ah an phur” tiah ဗိုလ်အောင်မြေ tuantlang Mandalay People Rescue (MPR) sungtel ကိုထက်အောင် in a sim.

ဗိုလ်အောင်မြေ an kaih ni ah Mother Son Mandalay Force sungtel mi 4 khal an kai bet ih an thuhla theihfel a si lo tiah RFA in a tarlang.

Myanmar Return Ranger Force (MRRF) sungtel pawl an kaih hnuah dothlengnak tuahtu pawlkom dang pawl khal an mission an thulh thluh tiah theih a si.

“Mission a bahlah thluh ruangah kan thulh thluh. Tihnak ruangah a si lo, ralhrang pawl cangvaih dan ih zirin kan dolet ding” tiah dothlengnak ih tel mi pakhat in RFA hnenah a sim.

A tufang Mandalay ah kilhimnak a khoh zet ih zan ah mikhual cazin an cek theu. Dothlengnak tuahtu pawl an rat can ah an rak kaih theinak ding in zan vahsuah ngah vekvek ngah lo vekvek a si. Zan khal ah lamzin ah mi an cek tiah tualsung mi pakhat in a sim.

Ralhrang pawl in thuneihnak an lak kum 1 le hrek sungah Mandalay ah ralhrang dokalhtu mino 100 hnakih tam an kai zo tiah theih a si.