Loikaw Peng Ih Kahawknak Ah Ralbawi Telin Mi 9 An Thi
Kareni ramkulh Loikaw peng (လွိုင်ကော်မြို့နယ်) ih ralhrang le KNDF kahawknak ah ralhrang ralbawi telin mi 9 an thih thu KNDF in July 8 ah an tarlang.
Loikaw peng ah July 6 ah kahawknak vei 4 a um ih ralhrang pawl in helicopter vei 11, raldonak vei 9 an hmang tiah an sim.
July 6 zing nazi 6 hrawng in Loikaw peng လောပိတ khaw kiangah ralhrang pawl ih သင်္ဘောပင် sakha cu KA le KNDF in naite in an va kap ih ralhrang ralbawi pakhat an kap that. Loikaw peng (4) ahmat (1) sakhan ihsin ralhrang bomtu feh pawl cu ဆိုလဆယ် le လောကထူး khaw kiangah KNDF in naite in an rak kap ih ralhrang mi 5 an thi ih mi 4 in hriam an tuar. ဆိုလဆယ် khaw kiang ih kahawknak ah ralhrang pawl in khawsung mi pakhat an kap that. Simlam ah ငွေတောင် ih hrambun khah-mah-yah (427) kiangih deuty nak cu KNDF pawl in an va kap bet ih ralhrang mi 3 an thi, hriamtuar an tam tiah KNDF in a tarlang.
July thla thok ihsin Loikaw peng le ဖယ်ခုံ peng ah ralhrang pawl ih sakhan cu Kareni hriamhreikai pawl in an va kap ih kahawknak a sosang. Sakhan an sim ruangah ralhrang pawl in ralthuam tum le raldonak vanzam an hmang tiah KNDF in a sim.
July 4 ihsin Phekhon peng (ဖယ်ခုံ) ih လွယ်ပသာ ralhrang sakhan le ရွှေပြည်အေး ih ralhrang sakhan pawl cu (KA)၊ KNDF၊PDF (Phekhon)၊ Moebye PDF le SSRY in an va kap tiah theih a si.
Kahawknak ruangah Kareni hriamhreikai tangtlang mi 11 an thi ih ralhrang lam mi 40 an thi tiah KNDF in a tarlang.
The ad is displayed on the page
current post: Loikaw Peng Ih Kahawknak Ah Ralbawi Telin Mi 9 An Thi, ID: 8524
Ad: Native Banner (9156)
Placement: After Content (after-content)
Find solutions in the manual
