KNU Hmunram July Thla Sungah Kahawknak Vei 259 A Um

KNU Hmunram July Thla Sungah Kahawknak Vei 259 A Um

KNU hmunram 2022 July thla sungah KNLA, KNOD le ralhrang, BGF karlak ah kahawknak vei 259 a um ih ralhrang le BGF lam mi 386 an thi tiah KNU in a tarlang.

July thla sungih kahawknak ah ralhrang le BGF lam mi 280 in hriam an tuar. KNLA le KNDO lam mi 12 an thi ih hriamtuar mi 26 an um tiah KNU ih tarlang mi ihsin theih a si.

“Na sa zetin kahawknak a suak, ralhrang pawl khalin hmai an nor duh nawn lo, an nor asile thi le hriamtuar an tam. Ralthuam tum le raldonak vanzam an hmang” tiah KNDO
KNDO Special commando ih ralbawi pakhat in RFA hnenah a sim.

Ralhrang pawl in ralthuam tum in an kah ruangah tualsung mi 19 an thi ih mi 26 in hriam an tuar. Inn 44 le biaknak lam inn pakhat a siat. Tualsung mi 49 an kai ih ဒူးသထူ peng တပ်မဟာ (1) hmunram ah tualsung mi 94,768 le ညောင်လေးပင် peng တပ်မဟာ (3) hmunram ah tualsung mi 61,898 beunak hawl in an tlan tiah KNU in a tarlang.

UNOCHA in August 3 ih an tarlang mi ah Myanmar ramsung buainak ruangah inn le lo tlan san mi 346,000 an um ih ralhrang in thuneihnak an lak hnuah tualsung mi 866, 000 raltlan an um. Myanmar ramsung raltlan zaten kom in 1.2 million hnakih tam an um tiah theih a si.