Khampat Kahawknak Ih Nunau 4 Pawngsualtu Pyusawhti An Kai Ih Pakhat An Kap That
Tamu peng Khampat kahawknak ih tel nunau 4 pawngsualtu le inn 2 ur kangtu Pyusawhti mi 2 an kaih thu UGF Kalay in video thawn an tarlang.
August 4 ah Pyusawhti mi 2 kaih an si ih pakhat sawn cu tlansuak a tum ruangah kah thah a si. An kaih mi hin mithat, suamhmang, inn urtu le mi pawngsualtu a si thu a cohlang aw.
Pyusawhti kum 20 hrawng mi hi UGF Kalay in thu an sutnak ah amah rori Khampat kahawknak ah ralhrang pawl hnenah a tel, inn 2 a ur kang ih tualsung mi nunau 4 a pawngsual thu a sim.
An kaih mi hi Pyusawhti hotu (တပ်ခွဲမှူး) sinak tiang tuanvo neitu a si ih Kalay peng sungih um mi a si.
Kalay le Tamu karlak, Tamu peng Khampat ah July 22 ihsin ralhrang le mipi kilhimtu pawlkom 10 hnakih tam tangtlang an kapaw ih ralhrang lam 10 hnakih tam an thi. Kahawknak ah ralhrang pawl in Khampat le a kiangkap khua ah vanzam in bomb an thlak ih ralthuam tum in an kap. Inn an coklet, thil an fir, inn 17 hrawng an urkang, khawsung mi 3 hnakih mal lo an that, sualmawhnak nei lo an kai ih ralhrang ruak pawl an lakter tiah theih a si.
Na sa zetih an kahawk lai ah ralhrang pawl cu tualsung mipi parah rapthlak zetih an cangvaih ruangah Khampat le a kiangkap khawsung mi thawng ziangmawzat beunak hawl in an tlan ih tu tiang tlung ngam hrih lo khal an um thu tualsung mi pawl in an sim.
The ad is displayed on the page
current post: Khampat Kahawknak Ih Nunau 4 Pawngsualtu Pyusawhti An Kai Ih Pakhat An Kap That, ID: 9343
Ad: Native Banner (9156)
Placement: After Content (after-content)
Find solutions in the manual
