Kalaymyo Yarzagyo Khua Ah Ralhrang Pawl In Inn 25 Hrawng An Siat Suah

Kalaymyo Yarzagyo Khua Ah Ralhrang Pawl In Inn 25 Hrawng An Siat Suah

Kalaymyo Yarzagyo khua August 5 ah ralhrang an lut ih milian an zum mi inn an bauh hlei ah an ur kang tiah theih a si.

“Milian an zum mi inn 10 hrawng an bauh ih inn 10 hrawng an ur kang. Ralthuam tum an kah mi in inn 5 hrawng a siat suah. Thuamhnaw pawl an lak sak ih tualsung mi 2 an that tin kan thei” tiah Yarzagyo khaw mi 1 in Mizzima hnenah a sim.

Tamu peng ihsin Kalay lam ah bomb thianfai dingin ralhrang motor 10 an feh ih CDF – Tonzang, KPDF (Kalay pengpi saklam), PDF-Yarzagyo tangtlang in August 4 ah bomb an rak puah. CDF-Tonzang cun bomb puah ruangah ralhrang 50 an thi ih mi 10 hnakih tam hriam an tuar thu a tarlang.

Ralhrang mi 300 hrawng cu August 5 ah Yarzagyo khawsung ah an lut sal ih inn an ur kang tiah theih a si.