Kalaymyo Thlanglam Ih Kahawknak Ruangah Tualsung Mi Thawngruk Hnakih Tam Raltlan
Kalaymyo thanglam Thasi khaw kiangah ralhrang le mipi kilhimtu June 16 ah an kap aw ih tualsung mi thawngruk hnakih tam ral an tlan tiah theih a si.
Kahawknak kiang, Thasi, ဇင်းကလင်း၊ ချင်းဆိုင်၊ လေးအိမ်စု၊ အဖွဲ့စက်၊ သုံးအိမ်စု khua, khaw 6 sungin tualsung mi thawngruk hnakih tam ral an tlan tiah tualsung mi pawl in an sim.
“Kahawknak a um ruangah um a theih lo. Ralthuam tum in nauhak pakhat a ngah ih inn khal an ur kang, inn tlun a theih hrih lo” tiah tualsung mi pakhat in a sim.
Ralhrang pawl in Kalaymyo khawsung in ralthuam tum an kap ciamco ruangah Thasi khua ah inn 2, ဇင်းကလင်း khua ah inn 9 an ur ih an siatsuah hnuah umhmun an khuar.
Ralhrang pawl ih ralthuam tum kah mi hi Thasi phungki tlawng ah a tla ih nauhak kum 4 hrawng mi a pum ah hriam a tuar. Kum kim lo nauhak 2 khal in hriam an tuar tiah theih a si.
Kahawknak ruangah ralhrang pawl in Kalaymyo khawsung ah mi vak sukso hmunkip ah an cek.
Kalaymyo ah raltlan thawngsawmnga hnakih tam an um ih ei in, sivai tuamhlawmnak an harsa tiah theih a si.
The ad is displayed on the page
current post: Kalaymyo Thlanglam Ih Kahawknak Ruangah Tualsung Mi Thawngruk Hnakih Tam Raltlan, ID: 9223
Ad: Native Banner (9156)
Placement: After Content (after-content)
Find solutions in the manual
