Kalaymyo Ah Ralhrang Pawl In Tualsung Mi 1 An Kap That

Kalaymyo Ah Ralhrang Pawl In Tualsung Mi 1 An Kap That

Kalaymyo, Taungphila veng ih ralhrang duty pawl in August 10 zing nazi 11 luan hrawngah tualsung mi an kap ih mi 1 a nunnak a liam ih pakhat hriam a tuar tiah theih a si.

Ralhrang kut tuarih nunnak liam, Hmuntha ih um Salai Cung Lian Bik (Kum 28) hi nitin pa-ya hnatuan ih ei hawl a si. Hnatuan an cawlh rawl zawh an tlun lam ah ralhrang pawl in a lu ah an kap ngah. A hnatuanpi Pa Tiamte khal a kut ah an kap ngah ih a kut ruh a kiak tiah theih a si.

Ralhrang pawl hi sun nazi 1 luan hrawng, Hmuntha khalah an lut ih meithal an kap puak ciamco. Myohlah le Hmuntha khaw riawknak ah mi kaih ding an hawl ih an kaih tum mi tei inn an cawklet thluh tiah tualsung mi pawl in an sim.