Kalay Peng Ah NUG Ih Theihpi Mi Tlawng An Ong

Kalay Peng Ah NUG Ih Theihpi Mi Tlawng An Ong

Kalay peng ih hrambun PDF (Kalay) battalion 4 in NUG fimzirnak vuanzi kut hnuai ah tlawng an on thu theih a si.

Ralhrang pawl thahrum hmang in an cangvaih ruangah raltlan nauhak pawl kan battalion ah ca kan zirh. 2022 May thla ihsin kan rak thok zo ih kan ralkap nunau pawl in tuanvo an la tiah PDF (Kalay) battalion 4 in an tarlang.

“NUG fimzirnak vuanzi zung ih theihpinak khal kan ngah. KG ihsin Grade 4 tiang ca kan zirh. Kahawknak lawng si lo in mipi hrangih a tangkai ding mi kan tuah vivo” tiah an sim.

Cazirnak tlawnginn cu battalion leng lam ah kan sak ih ralhrang pawl in sakhan bomb an thlak lai cazirnak tlawnginn khal an ur kang thluh. Sakhan le cazirnak, siikhan (ဆေးခန်း) an ur kang thluh nan ralhrang thuneihnak cem ding le ramdinkhawm cozah din suak thei dingin a hlan hnakin kan zuam vivo ding tiah a tarlang bet.