Kalay Ihsin Chin Ramkulh Ih Khualtlawng Pawl Ralhrang In An Hringhro Theu

Kalay Ihsin Chin Ramkulh Ih Khualtlawng Pawl Ralhrang In An Hringhro Theu

Kalay ihsin Tio lamzin, Tedim peng Taingen khua ih ralhrang bukhuar pawl in Khualtlawng sukso mino pawl an hringhro ih kut khal an thlak theu tiah theih a si.

Mino deuh pawl cu awkam khalin an hringhro, an phone khal na sa zetin an cek, kut an tlak, PDF nan si tin thuphan khal an puh. Ralhrang duty pawl hi an sual hrimhrim tiah tualsung mi pawl in an sim.

Ralhrang pawl in sualmawhnak nei pawl parih an thilti dan ruangah CDF CDM SIYIN cun kutsih in an zoh men lo ding thu, Taingen khawsung mi pawl cu hmun himnak ih tlan dingin theihternak June 30 ah an tarlang.

Ralhrang pawl khal Kalay ihsin mi 60 hrawng July 1 ah an so. Kalaymyo University ihsin ralhrang motor 3 a so ih Taingen khua an thleng zo.

Kahawknak suak thei ringring a si ruangah Kalay ihsin Chin ramkulh so motor zohman an suak ngam lo tiah theih a si.