Hpakan Peng Ih Kahawknak Ruangah Tualsung Mi 3,000 Hrawng Ral An Tlan
Kachin ramkulh Hpakan peng ဆယ်ဇင်း khua ah KIA le ralhrang kahawknak ah ralhrang pawl in raldonak vanzam an hmang ih na sa zetin an kapaw. Tualsung mi 3,000 hrawng ral an tlan tiah theih a si.
August 9 zinglam nazi 11 hrawngah KIA in ဆယ်ဇင်း khua ih palik sakhan an kap. Ralhrang pawl in raldonak vanzam in vei 3 an kap tiah tualsung mi pakhat in RFA hnenah a sim.
“Nazi 2 hrawngah an run kap ih khawleng ah a tla, khawleng ih inn pakhat a kang. Simlam ah an kap bet ih tlawnginn ah a tla. Simlam nazi 4 tiang an kapaw ih ralthuam tum khal an hmang. Khawsung ah um a theih lo ih kan tlan thluh, a mal bik 3,000 hrawng kan si ding” tiah a sim.
Tualsung mi pawl cu တာမခန် khua le ဟောင်းပါး khua tlawnginn, phungki tlawng le biakinn ah an relh tiah theih a si.
August 8 zingah ဆယ်ဇင်း khua ih um ralhrang le khat lam khua, Sangaing ramthen ဟုမ္မလင်း peng, ရွှေပြည်မြင့် khua ih SNA pawl cu KIA ih an va kap ih sakhan an lak sak.
ဆယ်ဇင်း khua lam ah July 16 ihsin zarh 1 sung an kapaw zo ih tu ah kahawknak an thok sal tiah theih a si.
The ad is displayed on the page
current post: Hpakan Peng Ih Kahawknak Ruangah Tualsung Mi 3,000 Hrawng Ral An Tlan, ID: 9028
Ad: Native Banner (9156)
Placement: After Content (after-content)
Find solutions in the manual
