Hakha Peng Hmun 3 Ih Kahawknak Ah Ralhrang Mi 12 A Thi
Hakha khawsung le khawleng hmun 3 ih kahawknak ah ralhrang mi 12 an thi. Ralhrang in bu an khuar tumnak hmun ah na sa zetin an kahawk thu theih a si.
August 5 zing Hakha ihsin Gangaw lam ih feh ralhrang pawl cu pengthuam (4) an thlen ah CAN le an tuanpi pawl in an rak kap ih ralhrang mi 3 an thi. Cu tawk cu Gangaw le Hakha fehnak zin a si ruangah ralhrang pawl in bukhuar an tum tiah theih a si.
Hakha khawsung ih hrambun khah-lah-yah (266) ဗျူဟာကုန်း ihsin ttum ralhrang pawl an rak kap ih mi 3 an thi, mi 4 hriam an tuar tin mit ih hmutu mipi kilhimtu pawl in an sim. Hakha le Thantlang karlak Timit lilawn tuah dingin Hakha ihsin suak ralhrang mi 70 hrawng le mipi kilhimtu pawl an kapaw bet ih ralhrang mi 6 an thi, mi 4 in hriam an tuar tiah CAN thusim theinak tuanvo neitu Salai Htet Ni in Mizzima hnenah a sim.
Hakha le Thantlang peng karlak cu kahawknak na sa zet suak bet thei a si thu khal theih a si.
The ad is displayed on the page
current post: Hakha Peng Hmun 3 Ih Kahawknak Ah Ralhrang Mi 12 A Thi, ID: 8985
Ad: Native Banner (9156)
Placement: After Content (after-content)
Find solutions in the manual
