Falam Le Hakha Karlak Kahawknak A Dai Thei Hrih Lo

Falam Le Hakha Karlak Kahawknak A Dai Thei Hrih Lo

Falam peng, Falam le Hakha karlak ih kahawknak ni 7 a ti zo nan kahawknak a dai thei hrih lo, July 14 Dokthek khaw kiangah kahawknak a suak sal tiah theih a si.

Ralhrang le mipi kilhimtu CJDC Special Force hi zing ihsin zan nazi 7 tiang an kapaw. Ralhrang pawl in bomb kam mi cu CJDC Special Force mi 2 in an pal ngah ih bese tuk lo hriam an tuar. Ralhrang pawl Hakha peng Chunchung khua an lut ih inn 3 an ur kang tiah theih a si.

Ni 7 sung Falam le Hakha karlak kahawknak ah ralhrang mi 50 hnakih tam an thi ih hriamtuar khal an tam. CJDC Special Force mi 1 ram le miphun hrangah a nunnak a liam.

Ralhrang pawl hi Kalay ihsin June 29 ah Chin ramkulh an so, July 7 ah Falam ihsin an suak ih a zan Lungpi veng ah an riak. July 8 ziangah Hakha lam pan in an feh, sun nazi 12 hrawngah an kapaw. Mipi kilhimtu pawl in ralhrang pawl cu lamzin tluan in an bawh ih na sa zetin an rak kap tiah theih a si.