Daw Aung Suu Kyi Eithup Thubuai 4 In Kum 6 Thawngthlak Bet Ding

Daw Aung Suu Kyi Eithup Thubuai 4 In Kum 6 Thawngthlak Bet Ding

Myanmar rampi thuron Daw Aung San Suu Kyi cu August 15, Nyapyidaw thawnginn thuthennak zung ah eithup thubuai 4 in thawng kum 6 thlak bet dingin thu an then sak tiah theih a si.

Daw Aung San Suu Kyi hi a hlan ih a thubuai 6 hrangah kum 11 thawngthlak ding a si ih tui a thubuai thawn cun kum 17 thawngthlak ding a si.

Thubuai 4 an tuah sak mi hi Daw Khin Kyi Foundation ih လရောင်တော pumcawmnak training tlawng khawkhannak hrangah Nyapyidaw ih hmunram thu, cu tawk ih building an sak thu, Yangon ih Daw Khin Kyi Foundation zungpi leiram le inn an sang mi thawn pehpar mi thubuai a si.

Hi mi thubuai ah Nyipyidaw khaw bawi ဒေါက်တာမျိုးအောင်, khaw bawi sangtu ဦးရဲမင်းဦး le Nyipyidaw sipin committee sungtel ဦးမင်းသူ khal an thu an rel sak ih kum 3 ciar thawng thlak dingin thu an then sak tiah theih a si.

Daw Aung San Suu Kyi cu rampi hrilawknak ah vote dik lo a um tin thubuai an tuah sak mi le thubuai dang an tuah sak mi pawl cu August 26 ah relfal sak thluh an tum. Kum 77 ih upa Daw Aung San Suu Kyi hi ralhrang pawl in thuneihnak an lak hnuah thubuai 19 tuah sak in an king mi a si.