CIA-Tamu In Tamu Peng Ih Ralhrang Pawl Bawmtu Ralrinnak Pe

CIA-Tamu In Tamu Peng Ih Ralhrang Pawl Bawmtu Ralrinnak Pe

Tamu peng sungih ralhrang bawmtu pawl cu an hnatuan ban san dingin Central Intelligence Agency Tamu (CIA) in ralrinnak a pek thu July 15 an tarlang.

Fimzirnak lam hnatuan, GAD zung hnatuan le Physawthi din dingih tawlreltu pawl ralrinnak an pe ih zianghman ah ngaithupi lo in an thlun lo asile an parih thil thleng mi pawl cu anmai mawhphurnak a si tiah a sim.

Tamu peng ih ralhrang fimzirnak bomtu Non-CDM pawl hmin cazin an nei thluh zo ih hremnak an tuarlonak dingah a ranglam ih hnukdawk aw ding ralrinnak a pe tiah theih a si.

2023 ah dik lo zetin rampi hrilawknak an tuah tum mi hlawhtling dingin a zuamtu GAD (အထွေထွေအုပ်ချုပ်ရေးဦးစီးဌာန) zung hnatuan pawl cu an zuk le an thuhla pawl an neih thluh zo ruangah an hnatuan mi suah san dingin an sim.

Tamu peng, ခမိတ် khua ah ralhrang bawmtu Physawthi din dingih a tawlreltu khal an thil tum mi thulh dingin ralrinnak an pek thu khal an tarlang tel.

CIA-Tamu dinhmun in rampi huap tiangin zohthuptu pawlkom karhter vivo tum a si ih hrekkhat peng dang khalah bur then an din vivo thu khal theih a si.

July 15 ah dothlengnak hrangih a tul zet mi zothuptu, hliakhlaitu, raldonak thuhla, ralhrang thuthup, dalan le ralhrang zohthuptu pawl cu phorh suak vivo thei dingin CIA-Yamethin khal an din tiah an tarlang.