Chin Ramkulh Raltlan Sakhan Ah Malaria Nat A Tam Ih Bomnak An Tul

Chin Ramkulh Raltlan Sakhan Ah Malaria Nat A Tam Ih Bomnak An Tul

Myanmar ramsung buainak ruangah mipi kilhimtu hriamhreikai le ralhrang kahawknak a luar sinsin. Ralhrang pawl in rapthlak zetih an cangvaihnak ruangah khawsung mipi pawl cu sahimnak hawl in hramlak ah an tlan. Chin ramkulh sungih tualsung mi raltlan pawl sakhan ah Malaria nat na sa zetin an tuar ih tuamhlawmnak lam khalah harsatnak an neih thu Chin Health Organization (CHO) ih tarlang mi ihsin theih a si.

Raltlan sakhan ah ei in harnatnak lawng si lo in harhdamnak lam khalah harsatnak an tong. Hramlak ih sahimnak hawl an si ruangah thawn aw an tam ih Malaria nat nei khal an tam tiah theih a si.

Ruahti tlak can a si ih Malaria nat tam can khal a si. Malaria nat men a si lo ih Malaria thluak lut pawl a si ruangah thihnak tiang thleng thei a si tiah CHO in a tarlang.

Raltlan pawl cu harhdamnak lam thawn a pehpar mi pawl in tuamhlawmnak an pe rero nan khiangthawng le sivai a tikcu khel in an thleng thei lo ruangah harhdamnak lam a tu hnakin harsatnak tong thei an si.

Mipi zate telin zatlang pawlkom, biaknak lam pawlkom, NGO, INGO tangtlang in bomnak an tul thu le raltlan pawl harhdamnak ngaithup ih tel cio dingin CHO in a tarlang.