Chin Ramkulh Ih Kahawknak Ah Ralbawi Mi 2 Telin Sinak Sang Mi 10 Hnakih Tam An Thi Zo

Chin Ramkulh Ih Kahawknak Ah Ralbawi Mi 2 Telin Sinak Sang Mi 10 Hnakih Tam An Thi Zo

Ralhrang in thuneihnak an lak ihsin ramsung buainak ruangah ralhrang le mipi kilhimtu pawl na sa zet an kapaw. Chin ramkulh sungih doawknak ah ralhrang ralbawi တပ်ရင်းမှူး mi 2, ဗိုလ်ကြီး le ဒုဗိုလ် telin sinak sang mi 10 hnakih tam an thi zo tiah theih a si.

Falam peng Rihkhawdar ahmat (2) veng, August 10, 2022 ih mipi kilhimtu CDM-Siyin, PDF Zoland, CNDF le MEDF tangtlang in ralhrang sakhan an va kah ttum ah battalion commander Lieutenant Colonel Wai Myopain tel in ralhrang mi 5 an thi. July 30, 2021 zing nazi 6:15 khalah Mindat le Matupi karlak pengthuam (72) ih ralhrang le CDF kahawknak ah khah-mah-yah (309) battalion commander Lt. Col. Zaw Zaw Soe an thi tiah theih a si.

“Ralhrang pawl thawn kan kahawknak ah ralhrang lam တပ်ရင်းမှူး mi 2 an thi zo. ဗိုလ်မှူး, ဗိုလ်ကြီး le ဒုဗိုလ် a thi mi hi mi 10 hnakin an tam ding. ဗိုလ်ကြီး mi 2 an thi zo, hi mi hi peng 2 sung ih a thi mi lawng a si lai” tiah mipi kilhimtu sungtel mi pakhat in a sim thu Mizzima in a tarlang.

Matupi khawsung khalah kilhimnak tuanvo latu ဗိုလ်မှူး pakhat khal amah ten a that aw tiah a sim bet.

Chinland Joint Defense Committee (CJDC) in August 11 ih a tarlang mi ah tui kum February 1 ihsin July 31 tiang, thla 6 sungah CJDC sungtel le ralhrang kahawknak vei 220 a um ih ralhrang lam mi 927 an thi. Mipi kilhimtu mi 53 an thi tiah theih a si.