Kalay Peng Yarzagyo Khua Ah Ralhrang Pawl In Inn An Bauh Ih Paisa Ting 140 Hnakih Tam An La

Kalay Peng Yarzagyo Khua Ah Ralhrang Pawl In Inn An Bauh Ih Paisa Ting 140 Hnakih Tam An La

Kalay peng Yarzagyo khua ah ralhrang pawl an lut ih inn an bauh, man nei mi thilri pawl an lak sak hlei ah inn an ur kang sak tiah theih a si.

Ralhrang pawl cu Yarzagyo khua ah August 5 ihsin ni 7 zing tiang ah inn an bau. Inn pakhat ih paisa ting 4,905,000, a dang inn pakhat khalah ting 9,800,000 le suithi pawl an la. Cun inn pakhat thotho ah paisa 30,000 khal an lak sak tiah theih a si.

Inn 200 luan umnak Yarzagyo khua ah ralhrang pawl in man nei mi le paisa tam zet an lak sak, a zaten ziangzat an lak sak ti felfai ten theih a si lo tiah tualsung mi pakhat in a sim.

“August 5 ih ralhrang ra pawl cu an tlan hnuah sun hrawngah battalion dang an ra sal. Khawsung an luh hnuah inn zaten an bauh ih man nei mi thilri pawl an la. An lak mi pawl cu motor ke 12 nei in an phur. Inn 6 an ur kang tin kan nemhnget” tiah tualsung mi pakhat in Mizzima hnenah a sim.

Ralhrang motor 10 cu August 4 ah Kalay le Tamu lamzin pengthuam (55) khaw kiangah CDF – Tonzang le mipi kilhimtu tangtlang pawl in bomb an rak puah. Ralhrang thi le hriamtuar an tam ruangah August 5 zinglam ah ralhrang mi 300 hrawng cu Yarzagyo khua ah an lut ih khawsung an siat suah tiah theih a si.