Hakha Ah Ralhrang Le Mipi Kilhimtu Ni 3 Sung Kahawknak Ah Ralhrang Hriamtuar An Tam

Hakha Ah Ralhrang Le Mipi Kilhimtu Ni 3 Sung Kahawknak Ah Ralhrang Hriamtuar An Tam

Hakha ah mipi kilhimtu le ralhrang August 6 ihsin ni 8 tiang, ni 3 sung na sa zetin an kapaw ih ralhrang hriamtuar an tam tiah theih a si.

Hakha khawsung ပြည်တော်သာ veng palik sakhan kiangih ralhrang um pawl cu August 8 zinglam nazi 7 hrawngah mipi kilhimtu pawl in rei lo te an kap ih ralhrang mi 2 hriam an tuar tiah Hakha Campaign For Justice in a tarlang.

August 7 ah Rungtlang ihsin ralthuam tum in vei 15 mipi kilhimtu pawl umnak lam an kap. Na sa zetin an kap aw ih ralhrang mi 3 an thi, Sniper in mi 2 a kap ngah. Mipi kilhimtu pawl thi le hriamtuar an um lo thu khal an tarlang tel.

August 6 khalah ralhrang le mipi kilhimtu an kapaw ih mipi kilhimtu pawl in drone in bomb vei 3 an thlak. Ralhrang lam hriamtuar an tam ih sniper in mi pakhat a kap ngah tiah Hakha Campaign For Justice ih tarlang mi ihsin theih a si.