Myinmu Peng Ah Ruak 3 An Hmu Bet Ih Mithi 13 An Um
Sagaing ramthen Myinmu peng khua pawl ah ralhrang in operation an neih ih July thla ihsin August thla zarh 1 nak tiang raldonak vanzam in an kap. Ralhrnag pawl in inn an ur ih kahawknak a um rero lai tiah theih a si.
August 4 simlam ah Myinmu peng (မြင်းမူမြို့နယ်) ih မင်း khaw kiangah mipi kilhimtu le ralhrang an kapaw. မင်း khua le ဂွေးပင်တော khua thlanglam ah ralhrang pawl in vanzam in an kap tiah tualsung mi pakhat in a sim.
“Hmun 3 in operation an tuah ruangah mipi an tlan thluh. Mipi kilhimtu pawl in bomb an puah ih ralhrang thi le hriamtuar an tam ruangah vanzam in a bawm” tiah tualsung mi pakhat in BBC hnenah a sim.
Ralhrang pawl an tlan hnuah mipi kilhimtu pawl in Letpankyin (လက်ပံကျင်း) khua ah hmunram thianfainak an tuah ih August 5 ah tualsung mi ruak 3 an hmu bet. Letpankyin khua ah mi 13 an thi zo tiah mipi kilhimtu pawl ih sim mi ihsin theih a si.
Phun 7 tlawngta nunau pakhat a hlo ruangah an hawl rero lai thu khal hmunram thianfaitu mipi kilhimtu pawl in BBC hnenah an sim.
A tufang Myinmu peng ih khua pawl ah ralhrang pawl in khaw khat hnu khaw khat operation an lut ruangah tualsung mi pawl Myinmu khawsung ah beunak hawl in an tlan lut tiah tualsung mi pawl in an sim.
The ad is displayed on the page
current post: Myinmu Peng Ah Ruak 3 An Hmu Bet Ih Mithi 13 An Um, ID: 8975
Ad: Native Banner (9156)
Placement: After Content (after-content)
Find solutions in the manual
