Mandalay Le Shan Ramri Ah PDF Le Ralhrang Kahawknak Sosang

Mandalay Le Shan Ramri Ah PDF Le Ralhrang Kahawknak Sosang

Mandalay ramthen le Shan ramkulh ramri kiang, August 5 sun hrawng ihsin ralhrang le PDF kahawknak a sosang tiah theih a si.

Tubaite kahawknak ih thi le hriamtuar tam ralhrang pawl cu mipum 100 hrawng an thazang an tamter bet ih operation an tuah sal. Naung Cho peng (နောင်ချိုမြို့နယ်) ခဲမွန် khaw kiang, sun hrawng ihsin kahawknak a thok sal tiah Mandalay PDF ih tuanvo neitu ရဲဘော်မိုးကြိုး in Myanmar Now hnenah a sim.

Naung Cho peng ရတနာသိင်္ဂီ khaw kiangih kilhimnak tuanvo latu mipi kilhimtu pawl le ralhrang mi 200 hrawng cu August 3 ah na sa zet in an kapaw tiah theih a si.

“Hi lamah kan um ti an theih ruangah operation an ra tuah mi a bang. ရတနာသိဂီ kiangkap ah duty kan nei ih cu tawk ihsin kahawknak kan thok” tiah a sim.

Kahawknak ah mipi kilhimtu lam thi le hriamtuar an um lo nan ralhrang lam mi 6 an thi ih mi 30 hrawng hriam an tuar ih dung an sip sal tiah theih a si.

August 3 ih kahawknak kiang ရတနာသိဂီ khua ah ralhrang pawl in mi lutsuak bikhiah an tuah ruangah tualsung mi pawl khawsung ah an kharhkhum tiah ရဲဘော်မိုးကြိုး in a sim.

July thla cem hrawngah mipi kilhimtu pawl in kilhimnak an laknak Naung Cho peng le Pyin Oo Lwin peng ah ralhrang pawl an lut ruangah kahawknak a suak ih ralhrang lam thi le hriamtuar an tam thu Mandalay PDF in an tarlang.

February 16 ihsin ထီးချိုင့် lam ihsin Mandalay lam ih feh ralhrang motor 30 hnakih tam cu မတ္တရာ PDF le an tuanpi pawl in lamzin ah vei 5 an rak kap tiah theih a si.