Sagaing Ramthen Le Magway Ramthen Ih Myanmar ID Nei Pawl Hnatuannak Zung In Hnatuan An Bangter

Sagaing Ramthen Le Magway Ramthen Ih Myanmar ID Nei Pawl Hnatuannak Zung In Hnatuan An Bangter

Kahawknak hmunpi Sagaing ramthen le Magway ramthen ih Myanmar ID (Hmatpungṭin) nei pawl cu an hnatuannak zung in hnatuan an banter mi a um tiah Industry Workers’ Federation of Myanmar (IWFM) in a sim.

Ram mi sinak ID ah ramkulh le ramthen hminsinnak (5/) Sagaing ramthen le (8/) Magway ramthen pawl cu an hnatuannak ihsin an colhter. Industry Workers’ Federation of Myanmar-IWFM (မြန်မာနိုင်ငံ ကုန်ထုတ်နဲ့ စက်မှုလက်မှု အလုပ်သမားများအဖွဲ့ချုပ်) cazin vek asile ရွှေပြည်သာ၊ လှိုင်သာယာ le ရွှေလင်ဗန်း, cet zung 4 ah hnatuantu pawl an hnatuannak ihsin banter an si.

“Hnatuan an banter mi felfai ten theih mi cu mi 4 an si. Hlawh an suah ih 5/ le 8/ hmatpungtin keng pawl cu hnatuan ra nawn lo ding in an sim. Sagaing ramthen le Magway ramthen cu PDF tamnak le ralhrang thawn kahawknak tamnak a si. Curuangah PDF pawl bom an phan ruangah hnatuannak in an dawinak san a si ka zum. Tui hnatuan an banter mi pawl hi zangnadomnak khal an pe lo, san um lo in an banter ruangah zangnadomnak ngah thei dingin kan bawm ding” tiah Industry Workers’ Federation of Myanmar-IWFM tungtel pakhat in RFA hnenah a sim.

2020 ah Myanmar ram ih hnatuantu mipum 20.4 million an um ih 2021 sungah 18.6 million tiang a ttum. 2022 kum thok ah 19.3 million ah malte a thang sal tiah International Labour Organization (ILO) ih tarlang mi ihsin theih a si.