R2P In Hmalaknak Nei Dingin NUG In Dil

R2P In Hmalaknak Nei Dingin NUG In Dil

UN Security Council in ralthuam le ralkap pe ih R2P in hmalaknak a ranglam ih nei dingin NUG ramleng vuanzi Daw Zin Ma Aung in dilngennak a nei tiah BBC in a tarlang.

Democracy cangvaihnak ih tel mi 4 an awk that mi thawn pehpar in China le Russia telin UNSC in lungrual ten an hnamthlak hnuah NUG cozah in a tuvekin dilngennak a sim.

Ukraine cu ralthuam pek an si ih Afghanistan khal vanzam in ei in an kuat nan Myanmar ram cu leilung tlun ih dungtun a si. Leilung tlun ram dangdang in ralhrang pawl hremnak pe ding le Myanmar mipi minung ziangzat in an nunnak pek hrih a tul ding tiah a sim thu RFA in a tarlang.

R2P in a ranglam ih hmalaknak an neih a tul thu, ralhrang le ralhrang hotu pawl in sumpai lakluhnak a takih khar sak ding, ralhrang palai pawl cu leilung tlun in dungtun ding le NUG cu Myanmar ram cozah a si tin tu rori ih pompi dingin leilun ram dangdang hnenah NUG in dilngennak a nei tiah theih a si.

NUG acting President Duwa Lashi La khalin leitlung tlun ram dangdang hnenah ralhrang thuneihnak donak hrangah le democracy hrangah nunnak pe ih doawknak sung luttu pawl hrangah ralthuam le sumpai a takih bawm dingin July 28 ah dilngennak a sim.

Ramhrin miphun hriamhreikai kai pawl thawn khal neihniam aw zetin ralthuam neih mi pawl a tha thei bik hmang ih raldonak ah kutkai aw in raldo can a thleng zo tiah a sim thu DVB in a tarlang.