CDM Ca Zirhtu Pawl An Kaih Mi Cu Milai Covo Pahbalnak A Si Tin NUG In Sim

CDM Ca Zirhtu Pawl An Kaih Mi Cu Milai Covo Pahbalnak A Si Tin NUG In Sim

Bulpak online ca zirnak (Kaung For) dintu telin zirhtu mi 3 an kaih mi cu leitlung tlun milai covo an pahbal tiah NUG ih fimzirnak vuanci zung in July 17 ah an tarlang.

Tlawng dintu telin CDM zirhtu mi 3 cu July 13, Shan ramkulh thlanglam, အောင်ပန်း peng ah an kaih thu ralhrang pawl in an tarlang.

Tlawngta ca zirhtu an kaih mi hi leilung tlun milai covo seation (26), leitlun nauhak covo thawn pehpar mi lungkim tlannak cakhen seation (3, 28) le 2019 nauhak covo an pahbal tiah NUG ih fimzirnak vuanci zung in an sim.

Hi tivek ih mi an kaihnak hi can karlak fimzirnak an siatsuah duh ruangah a si. Curuangah Kaung For You tlawng ih hmin pe tlawngta pawl zirnak, an kaih mi zirhtu, zirhtu pawl thawn pehpar in NUG in a bawm dingih hringhronak sumpai an dil mi khal hremnak pe thei dingin an zuam ding thu, mipi lam ihsin thuhla thlen theinak Hot Line pakhat a on sak ding thu an tarlang.

Ralhrang pawl cun tlawng dintu ဦးကောင်းသိုက်စိုး cu မြစ်သား peng lamzawhnak ih hotu a si ruangah pukmah 505 (A) in thubuai an tuah sak thu an sim.

Ralhrang in thuneihnak an lak ihsin May 27, 2022 tiang ah fimzirnak lam hnatuan mi 37 thah an si zo tiah ralhrang in lam in thuthang simfiangnak ah an sim.

Yangon ih lamzawhnak ah ralhrang pawl in mipi an thekdarh ruangah ကမာရွတ် peng ih lailak tlawng zirhtu ဒေါ်တင်နွဲ့ရီ cu Feb 28 ah a thi. June 24 khalah Kaya ramkulh လွိုင်လင်လေး peng ah ralhrang tlawng ih hnatuan zirhtu saya/sayamah mi 6 cu Kareni State Police (KSP) in an kai nan an suah sal tiah RFA in a tarlang.