Ralhrang In Milai Covo An Pahbal Tin Facebook In A Tarlang
Meta tin an thleng mi Facebook company in a hmaisa bik milai covo report an tuah mi ah Myanmar ram ah ralhrang in milai covo na sa zetin an pahbal tiah a tarlang.
Facebook in 2018 ah ralhrang hotu Min Aung Hlaing telin ralhrang le a pehpar mi account zaten 20 hnakih tam an phit sak. Ralhrang in thuneihnak an lak hnu khalah ralhrang thuthang, MRTV, ralhrang le a pehpar mi pursumleilawn hnatuannak page pawl cu facebook a khar sak thotho.
Myanmar ram ah ralhrang in thuneihnak an lak hnuah daiten lamzawhtu pawl le cangvaihnak ih teltu pawl, thuthang latu pawl parah milai covo an pahbal vekin, zalen zetih sim theinak khal an palbet tiah an tarlang bet.
Thuneihnak an lak hnu, Myanmar ram ih thil thleng mi pawl cu Facebook cun poipeng in an zoh ringring ih online hringhronak khal a cante ah lehrulnak an tuah thu an sim.
Ralhrang in thuneihnak an lak hnuah mipi pawl cu online lam ih an himnak dingah facebook tawhkalh theih, Lock profile theih dingin Facebook in a tuah. Facebook company cun a hmaisa bik milai covo report an tuah mi ahcun Myanmar, Ethiopian, Mexico le Afghanistan ram cu harsatnak a thlennak ram a si tiah an sim thu RFA in a tarlang.
The ad is displayed on the page
current post: Ralhrang In Milai Covo An Pahbal Tin Facebook In A Tarlang, ID: 8695
Ad: Native Banner (9156)
Placement: After Content (after-content)
Find solutions in the manual
