Sagaing Ramthen Ih Ralhrang In Uknak Lam Tuanvo Pek Mi Pawl Hnukdokaw Ding In Mipi Kilhimtu Pawl In Forhfialnak Nei

Sagaing Ramthen Ih Ralhrang In Uknak Lam Tuanvo Pek Mi Pawl Hnukdokaw Ding In Mipi Kilhimtu Pawl In Forhfialnak Nei

Sagaing ramthen sungih ralhrang pawl in ukawknak lam a sangsang ten tuanvo an pek mi pawl cu an zaten hnukdokaw thluh dingin NUG ih kilhimnak lam vuanci zung mipi kilhimtu (PDF) pawl in forhfialnak an nei tiah theih a si.

July 10 ihsin a pehpar mi pengpi ih zirin mipi kilhimtu pawl in theihternak an nei, Kawlin (ကောလင်း) pengpi mipi kilhimtu (ပကဖ) khalin July 14 ah theihternak an tarlang.

Ralhrang in tuanvo a pek mi peng uktu pawl hnukdokaw dingih theihternak a pek mi pawl cu Sagaing, Monywa, ခန္တီး၊ မော်လိုက်၊ Tamu၊ ကောလင်း ၊ ကသာ၊ ရွှေဘို pengpi pawl an si.

“Theihternak thlun duh lo pawl cu thahrum hmang ralhrang pawl ih cangvaihnak ah an tel ih mipi nunnak, inn le lo neihsiah pawl siatsuahtu le hnaihnoktu an si tin kan ruat ding. Thahrum hman dokalhnak dan telin na zetin hremnak kan pe ding” tiah thu an suahnak pengpi pawl hnenah ralrinnak an pe.

NUG cozah cu Sagaing ramthen sungih um khua le veng, peng le pengpi dinhmun mipi kilhimtu (PDF) cu tuanvo pe in pawlkom a din ih mipi ukawknak a feh vivo tiah an tarlang.

Sagaing ramthen sung hmunkip ah PDF le tualsung mipi kilhimtu pawl in an thunun thei zo. Hmun hrekkhat ah NUG cozah in siahkhonnak le tlawng on mi telin ukawknak a herkual rero tiah Mizzima in a tarlang.